Invisalign

Tannréttingar með glærum skinnum!

​

Í mörgum tilfellum er hægt að rétta skakkar tennur með skinnum. Þetta eru glærar plastskinnur sem eru sérhannaðar fyrir hvern og einn.

​

Ef þú vilt vita hvort Invisalign hentar í þínu tillfelli getum við skoðað það saman - þér að kostnaðarlausu!

​

Þegar Invisalign meðferð hentar er næsta skref að útbúa meðferðarplan. Það hefst með svokallaðri gagnatöku. Teknar eru ljósmyndir, röntgenmyndir og eru tennurnar síðan skannaðar með þrívíddarskanna.

​

Þegar búið er að samþykkja meðferðarplanið tekur um 2-3 vikur að framleiða skinnurnar og fá þær sendar. Þegar skinnurnar eru komnar er bókaður tími  í uppsetningu þar sem plasthnappar eru settir á ákveðnar tennur.

​

Á meðan meðferð stendur þarf að koma í eftirlit á 4 vikna fresti. Hver skinna er yfirleitt 1 viku í munni og þá tekur næsta við - þannig hreyfast tennurnar hægt og bítandi í ákjósanlega stöðu. Mælt er með að hafa skinnurnar í munni a.m.k 22 klst á sólarhring. Þær eru einungis teknar úr munni þegar matar og drykkjar er neytt - og þegar tennurnar eru burstaðar.

​

Lengd meðferðar getur tekið allt frá 4 upp í 15 mánuði.

 

Í lok meðferðar eru plasthnappar fjarlægðir, slitnir bitkantar á framtönnum lagfærðir og settir stoðbogar svo tennurnar haldist á sínum stað. Síðan eru útbúnar skinnur sem æskilegt er að sofa með á nóttunni í 6 mánuði eftir meðferð.